დიანასთვის ყოველდღიურობა ბრძოლასთან ასოცირდება, ბრძოლასთან, რომელშიც ის მარტო აღარ არის. ქუთაისის ახალგაზრდული ცენტრი აღმოჩნდა ადგილი, სადაც დიანამაც და მისმა შვილებმაც ნამდვილი მხარდაჭერა იპოვეს.

მანამ, სანამ ცენტრის თანამშრომლები დიანას შვილებს უვლიან, მარტოხელა დედას შეუძლია, რომ თავისუფლად იმუშაოს, რათა შვილებს ბედნიერი მომავალი შეუქმნას.

"მე ბევრი სირთულის მიუხედავად არ დავნებდი, ცხოვრება გავაგრძელე, ორი ბავშვით მარტო გავდივარ გზას და ყოველდღიურ დაბრკოლებებს - თუმცა იმედი არასდროს დამიკარგავს და არც არაფერს ვნანობ" - ამბობს დიანა. მისი თქმით, მთავარია მონდომება და ყველაფერი კარგად იქნება.

ეს ისტორია პატარა ბავშვზეა - ბავშვზე, რომელმაც, ცივ ქუჩაში ცხოვრების მიუხედავად, მოხალისეებს ყველაზე თბილი საშუალებით გადაუხადა მადლობა.

მოხალისე იხსენებს დღეს, როცა პროექტის ფარგლებში უსახლკაროებისთვის საკვებს არიგებდა. ყველაზე მკვეთრად კი მის მეხსიერებაში დარჩა 4 წლის პატარა ბიჭი დიდი გულით

,,ერთ დღეს ჩემთან 3-4 წლის ბიჭი მოვიდა და საჭმელი მთხოვა. როცა მას ცხელი წვნიანის ულუფა მივეცი, თვითონ ჭამაზე უარი თქვა და თეფში ბავშვიან ქალს მიუტანა. ყოველ ჯერზე როცა საჭმელად მოდიოდა, ჯერ ცდილობდა, სხვაზე ეზრუნა - შემდეგ კი თვითონ ეჭამა.

ჩვენი პროექტი ბევრ ადამიანს დაეხმარა, მაგრამ მისი რეალური მნიშვნელობა ბოლომდე არასდროს გამიაზრებია, სანამ ერთხელ ხალხმრავალ ქუჩაში მიმავალს ვიღაც არ ჩამეხუტა. ვიღაც ძალიან პატარა - ქვევით დავიხედე და დავინახე ის პატარა ბიჭი! ის იყო ყველაზე ძვირფასი ჩახუტება, რაც კი ოდესმე მიმიღია".

როგორც მოხალისე იხსენებს, ეს ფრაზა მათთვის გარდამტეხი აღმოჩნდა და მაშინვე მიხვდნენ, როგორი ურთიერთობა უნდა ჰქონოდათ გიორგისთან:

"ეს იყო მომენტი, როცა მივხვდით, როგორი მძიმე ყოველდღიურობა ჰქონდა გიორგის. მშობლებს არ ჰქონდათ დრო და სურვილი, რომ მის აღზრდაში მონაწილეობა მიეღოთ, ამიტომ მეთოდად მხოლოდ  სასჯელს იყენებდნენ. ამის შემდეგ გიორგის სულ სხვა თვალით შევხედეთ. დავიწყეთ მასთან რბილად, მოთმინებით საუბარი.

ბანაკის დასრულებისას, სულ რაღაც ათი დღის შემდეგ, გიორგი სრულიად სხვა ბავშვად იქცა. უფრო თბილი გახდა. უფრო დამჯერი. ეშინოდა, რომ აღმზრდელებს იმედს გაგვიცრუებდა და გვაწყენინებდა.

გიორგი რომ ყოფილიყო ერთადერთი ადამიანი, ვისაც დავეხმარეთ, მხოლოდ მის სევდიან თვალებში გაჩენილი სიყვარულის ნაპერწკლის გამოც კი ღირდა მთელი ეს წლები მოხალისედ მუშაობა".

ის და მისი მეორე ნახევარი მუშაობდნენ და შეძლეს, რომ ბინა ექირავათ. ერთ დღეს, სავსებით მოულოდნელად, მისი საყვარელი ადამიანი გაუჩინარდა. ახალგაზრდა გოგო იყო განადგურებული და სასოწარკვეთილი. ცოტა ხანში, ორსულმა, ვეღარ შეძლო მუშაობა. ამის გამო, მან დაკარგა სამუშაო და ბინის ქირა ვეღარ გადაიხადა. უკან, სახლში კი აღარ მიიღეს. ის სრულიად მარტო ქუჩაში აღმოჩნდა, თავშესაფრისა და საკვების გარეშე.

ბოლოს, ახალგაზრდა გოგონა პოლიციამ იპოვა. მათ ის კარიტასის წმ. ბარბარეს დღის ცენტრში წაიყვანეს, სადაც მან ახალი სახლი და ოჯახი იპოვა. მალე პატარა ბიჭი დაიბადა. სხვადასხვა კეთილი ადამიანის დახმარებით ისინი უზრუნველყოფილნი იყვნენ საჭირო ნივთებითა და მშვიდი ცხოვრებით.

კარიტასი დაეხმარა დედას, რომ გაევლო პროფესიული კურსები, რომლის დამთავრების შემდეგაც გოგონამ სამუშაო იპოვა. ახლა ახალგაზრდა დედას კვლავ შეუძლია, რომ უზრუნველყოს საკუთარი და თავისი პატარას მშვიდი ცხოვრება. 

ჩვენ, ყველას ერთად შეგვიძლია, თოთოეული ადამიანის ცხოვრების შეცვლა.

ირგვლივ მიმდინარე კონფლიქტებსა და მძიმე ყოველდღიურობას თან სდევს გაურკვევლობის განცდა, რაც ბევრ ჩვენგანს აშფოთებს. მიუხედავად ამისა, სწორედ ახლა არ უნდა დავკარგოთ იმედი იმისა, რომ სამართლიანობა გაიმარჯვებს და წინ უფრო ნათელი, მშვიდობიანი დღეები გველის.

აღდგომა სიმბოლოა განახლების, თანაგრძნობისა და ადამიანური სულის სიმტკიცის. მოდით, კვლავაც გავუწოდოთ დახმარების ხელი მათ, ვისაც ეს ყველაზე მეტად სჭირდება. ერთად ჩვენ შეგვიძლია შევცვალოთ რეალობა და შევქმნათ უკეთესი მომავალი ყველასთვის.

გისურვებთ კურთხეულ და მშვიდობიან აღდგომას. დაე, ამ დღესასწაულმა განახლებული რწმენით, გამბედაობითა და გამძლეობით აგვავსოს.

საქართველოს კარტასის დირექტორი,

გიორგი მეხატიშვილი

საქართველოს კარიტასის მოხალისე იხსენებს:

,,ეს ისტორია მოხდა ჩემი ცხოვრების რთულ პერიოდში, მან ჩემში მოხალისეობრივი საქმიანობის გაგრძელების სურვილი გააღვიძა. კარიტასის მოხალისეების ერთ-ერთი მორიგი შეხვედრის დასრულებისას ჩვენ დაგვრჩა საჭმელი, უბრალო ბუტერბროდები და ტკბილეული. მოხალისეებმა გადავწყვიტეთ ეს საჭმელი ქუჩაში მცხოვრებებისთვის დაგვერიგებინა.

ჩავედით მეტროში. კიბებებზე დედა-შვილი ისხდნენ. მე მივედი მათთან და მივაწოდე პატარა ცელოფნის ჩანთა საკვებით. იმ მომენტში სულ პატარა, 3-4 წლის ბავშვს თვალები გაუბრწყინდა. მის თვალებში სიყვარულის და იმედის ნაპერწკალი დავინახე. სულ რამდენიმე წამის განმავლობაში ვუყურებდი იმ ბავშვს. გარშემო მყოფმა ხალხმა კი საერთოდ ვერაფერი შეამჩნია.

სულ ერთი ბუტერბროდით ადამიანის გახარებამ მე ისეთი გრძნობით ამავსო, რომლის სიტყვებით გადმოცემა დღესაც არ შემიძლია. ამ შემთხვევის მერე გადავწყვიტე გამეგრძელებინა მოხალისეობრივი საქმიანობა, გამეგრძელებინა უსასრულოდ“.

უანგარო სიყვარული და ზრუნვა - სწორედ ესაა, რაც გვაძლევს ხვალინდელი დღის იმედს.

“რამდენიმე წლის წინ სოციალური დაცვის პროგრამაში ვმუშაობდი. ერთ დღეს, როგორც ყველა დანარჩენ დღეს “ჰარმონიას” ვეწვიე, რათა ჩვენი პროექტის წევრები მომენახულებინა. იქ ჩასულმა შორიახლოს ერთ-ერთი წევრი დავინახე, თავისთვის რომ ჰქონდა თავი მხრებში ჩარგული და გულამოსკვნილი ტიროდა. მივედი მასთან და ვკითხე რა უჭირდა, რით დავხმარებოდი. 

ცრემლიანი, ღონემიხდილი თვალებით ამომხედა და მორიდებით მითხრა, რომ ერთ თვალში სინათლე სრულად დაკარგული ჰქონდა და მეორე თვალზეც მსგავსი რთული პრობლემები დაეწყო, სრულად კარგავდა მხედველობას. მისთვის ექიმს გამოწერილი ჰქოდა წამალი, რომელიც ყოველდღიურად უნდა ჩაეწვეთებინა თვალში, რათა მხედველობა შეენარჩუნებინა. წამალი 30 ლარი ღირდა, მას კი მსგავსი თანხა არ მოეპოვებოდა.

მახსოვს, როგორ გავშეშდი, მანამდე ამდენად არასდროს მიგრძვნია, თუ რამხელა მნიშვნელობა შეიძლება ჰქონდეს მცირედსაც ადამიანებისთვის. შესაძლოა ჩვენთვის ეს თანხა სრულიად უმნიშვნელო იყოს, სხვისთვის კი სასიცოცხლოდ მნიშვნელოვანი. 

ამ ამბის მოსმენის შემდეგ მთლიანმა გუნდმა ერთიანი ძალებით მოვიძიეთ დონორი, რომელიც ჩვენი პროექტის წევრებს ყოველთვე უფინანსებდა წამლებს, რომლებსაც სახელმწიფო დაზღვევა, სამწუხაროდ, ვერ ფარავდა. 

ამ მცირედით შევძელით, რომ როგორც ამ ქალბატონისთვის, ისე სხვა დანარჩენი ხანდაზმულებისათვის რთული ცხოვრება ოდნავ მაინც შეგვემსუბუქებინა”.

მცირედსაც კი უდიდესი მნიშვნელობა აქვს ზოგიერთი ადამიანის ცხოვრებაში.

თუკი გსურს, შენი წვლილი შეიტანო ამ კეთილ საქმეში, ეწვიე ჩვენს დონაციის გვერდს:

პოზიციის სახელი: კონტენტის შემქმნელი

ხელშეკრულების ტიპი: სერვის კონტრაქტი

სამუშაო განაკვეთი:  30 საათი კვირაში (ხუთი დღე, ხუთ-ხუთი საათი)

სამუშაო ადგილი: თ.ერისთავის ქ. #23 / ჰიბრიდული

ანაზღაურება: 1200 ლარი (ხელზე ასაღები)

სამუშაო მიზანი:  

კონტენტის შემქმნელი უზრუნველყოფს ხარისხიანი და ემოციურად ძლიერი კონტენტის შექმნას საქართველოს კარიტასის სოციალური მედიისთვის.

კონტენტის შემქმნელი პასუხისმგებელი იქნება პროგრამების, ბენეფიციარების ისტორიებისა, ფანდრაიზინგ კამპანიების და სხვა მიმართულებების ვიზუალური და ტექსტური მასალების მომზადებაზე.

პოზიცია ფოკუსირებულია კონტენტის წარმოებაზე და ეფექტურ თხრობაზე, რომელიც ხელს შეუწყობს ცნობადობის ზრდას, ჩართულობასა და დონაციების მოზიდვას.

თანამდებობრივი მოვალეობები/ფუნქციები:

ძირითადი მოვალეობები:

• სოციალური მედიისთვის (Facebook, Instagram, TikTok და საჭიროების შემთხვევაში სხვაც) ტექსტური და ვიზუალური კონტენტის შექმნა
• ბენეფიციარებისა და პროექტების ისტორიების შეგროვება და მომზადება პუბლიკაციისთვის
• მოკლე ვიდეოების გადაღება და მონტაჟი (Reels, ინტერვიუები და სხვა)
• ფოტოების გადაღება და დამუშავება
• მარტივი ვიზუალური მასალების დიზაინი (პოსტები, კარუსელები და სხვა)
• პოსტების ტექსტების მომზადება ორგანიზაციის ტონისა და ღირებულებების შესაბამისად
• ფანდრაიზინგ კამპანიების მხარდაჭერა შემოქმედებითი კონტენტით
• დონაციებზე ორიენტირებული პოსტების და კამპანიების ტექსტების შექმნა, მკაფიო მოქმედების მოწოდებით
• ონლაინ ფანდრაიზინგ კამპანიების დაგეგმვასა და განხორციელებაში მონაწილეობის მიღება
• კონტენტის ადაპტირება სხვადასხვა აუდიტორიებისთვის (დონორები, პარტნიორები, ფართო საზოგადოება)
• საზოგადოების ცნობიერების ამაღლების მხარდაჭერა ამბების, საგანმანათლებლო კონტენტის და კამპანიის გზავნილების გაზიარებით
• გუნდურ მუშაობაში მონაწილეობის მიღება პროგრამის თანამშრომლებთან სწორი ინფორმაციისა და შედეგების შესაგროვებლად
• ძირითადი ეფექტიანობის მეტრიკის (ჩართულობა, მიღწევა, კამპანიის შედეგები) მონიტორინგი და გაუმჯობესების შეთავაზება
• კომუნიკაციების მენეჯერის მხარდაჭერა საქართველოს კარიტასის ციფრულ სივრცეში წარმოჩენაში და ფანდრაიზინგის ეფექტიანობის გასაძლიერებლად
• მოწყვლადი ჯგუფების ეთიკური და ღირსეული წარმოდგენის უზრუნველყოფა
• ვიზუალური და საკომუნიკაციო სტილის ერთიანობის დაცვა
• კომუნიკაციების მენეჯერთან თანამშრომლობა კონტენტის გეგმის შესრულებაში

ზოგადი

• მენეჯერისთვის დროული ინფორმაციისა და კონსულტაციის უზრუნველყოფა შესაძლო პრობლემებთან, რისკებთან ან გაუთვალისწინებელ ცვლილებებთან დაკავშირებით.
• ახალი ინიციატივებისა და აქტივობების დაგეგმვასა და შემუშავებაში მონაწილეობა.
• პროგრამის თანამშრომელთა საერთო სამუშაო შეხვედრებში მონაწილეობა.
• პროგრამის გუნდის აქტიურ და შედეგზე ორიენტირებულ წევრად ყოფნა.

უნარები და პიროვნული  მახასიათებლები:

განათლება და გამოცდილება

აუცილებელი

• კონტენტის შექმნის მინიმუმ 2 წლიანი გამოცდილება
• ძლიერი წერითი უნარები ქართულ ენაზე
• ვიდეო მონტაჟისა და დიზაინის საბაზისო უნარები (Canva, CapCut, Adobe და სხვა)
• სოციალური მედიის ფორმატებისა და ტენდენციების ცოდნა
• სოციალური თემების საინტერესო ისტორიებად გარდაქმნის უნარი
• მგრძნობელობა ჰუმანიტარული საკითხების მიმართ

სასურველი

• Copywriter-ად მუშაობის გამოცდილება
• ძლიერი წერითი უნარები ინგლისურ ენაზე
• რუსული და იტალიური ენების ცოდნა
• სოციალურად დაუცველ ჯგუფებთან ურთიერთობის გამოცდილება
• არასამთავრობო სექტორში მუშაობის გამოცდილება
• ფოტოგრაფიის ან ვიდეოგრაფიის უნარები
• ფანდრაიზინგ კომუნიკაციის ცოდნა

პიროვნული მახასიათებლები

აუცილებელი

• ვადების მკაცრი დაცვის უნარი
• პასუხისმგებლიანი
• კრეატიული
• თვით-განვითარებაზე ორიენტირებული
• გუნდური მუშაობის ძლიერი უნარ-ჩვევები
• კეთილსინდისიერი და ლოიალური
• მოქნილი, ღია მუდმივი ცვლილებებისადმი, მზადყოფნა სწავლისადმი
• წარმატებული და მიზანდასახული ურთიერთობის დამკვიდრება და შენარჩუნება
• როლის/პოზიციის განვითარებაში ინიციატივის გამოჩენის უნარი
• სხვა ეროვნების, რელიგიების და შეხედეულების მიმართ პატივისცემა

განაცხადის შეტანა:

სათანადო კვალიფიკაციის მქონე კანდიდატებს შეუძლიათ გამოაგზავნონ CV და სამოტივაციო წერილი ელ. მისამართზე: inga.chkheidze@caritas.ge

გთხოვთ დანიშნულებაში მიუთითოთ: „კონტენტის შემქმნელის ვაკანსია“

საქართველოს კარიტასი მადლობას უხდის ყველა დაინტერესებულ პირს, თუმცა დაკავშირება მოხდება მხოლოდ შერჩეულ კანდიდატებთან განაცხადების შემოტანის პერიოდის დასრულების შემდეგ.

განაცხადის შემოტანის საბოლოო ვადა:       19.03.2026

ორგანიზაციის შესახებ:         საქართველოს კარიტასი არის კათოლიკური ეკლესიის საქველმოქმედო ფონდი, რომელიც დაარსდა 1994 წელს. „საქართველოს კარიტასის“ მისია არის  უპოვართა დახმარება, გულმოწყალების და სამართლიანობის დამკვიდრება საქართველოში.

მეტი ინფორმაციისთვის მიჰყევით ბმულს: www.caritas.ge;   https://www.facebook.com/CaritasGeorgiaOfficial/;

პრევენციის მიზნით მათ სამი დღის განმავლობაში ჩაუტარდათ ტრენინგი სტრესის მართვასა და პროფესიულ გადაწვასთან დაკავშირებით, რომელიც იყო შრომატევადი, ინფორმაციულად დატვირთული და ამავდროულად სახალისო.

სამუშაო გარემოში სტრესის მენეჯმენტი გადამწყვეტი ფაქტორია, ვინაიდან როცა ვიცით მისი მართვა ჩვენი პროდუქტიულობა იზრდება, ვართ მეტად ჩართულები და ვქმნით ლოიალურ სამუშაო გარემოს.