პოზიციის სახელი: კონტენტის შემქმნელი

ხელშეკრულების ტიპი: სერვის კონტრაქტი

სამუშაო განაკვეთი:  30 საათი კვირაში (ხუთი დღე, ხუთ-ხუთი საათი)

სამუშაო ადგილი: თ.ერისთავის ქ. #23 / ჰიბრიდული

ანაზღაურება: 1200 ლარი (ხელზე ასაღები)

სამუშაო მიზანი:  

კონტენტის შემქმნელი უზრუნველყოფს ხარისხიანი და ემოციურად ძლიერი კონტენტის შექმნას საქართველოს კარიტასის სოციალური მედიისთვის.

კონტენტის შემქმნელი პასუხისმგებელი იქნება პროგრამების, ბენეფიციარების ისტორიებისა, ფანდრაიზინგ კამპანიების და სხვა მიმართულებების ვიზუალური და ტექსტური მასალების მომზადებაზე.

პოზიცია ფოკუსირებულია კონტენტის წარმოებაზე და ეფექტურ თხრობაზე, რომელიც ხელს შეუწყობს ცნობადობის ზრდას, ჩართულობასა და დონაციების მოზიდვას.

თანამდებობრივი მოვალეობები/ფუნქციები:

ძირითადი მოვალეობები:

• სოციალური მედიისთვის (Facebook, Instagram, TikTok და საჭიროების შემთხვევაში სხვაც) ტექსტური და ვიზუალური კონტენტის შექმნა
• ბენეფიციარებისა და პროექტების ისტორიების შეგროვება და მომზადება პუბლიკაციისთვის
• მოკლე ვიდეოების გადაღება და მონტაჟი (Reels, ინტერვიუები და სხვა)
• ფოტოების გადაღება და დამუშავება
• მარტივი ვიზუალური მასალების დიზაინი (პოსტები, კარუსელები და სხვა)
• პოსტების ტექსტების მომზადება ორგანიზაციის ტონისა და ღირებულებების შესაბამისად
• ფანდრაიზინგ კამპანიების მხარდაჭერა შემოქმედებითი კონტენტით
• დონაციებზე ორიენტირებული პოსტების და კამპანიების ტექსტების შექმნა, მკაფიო მოქმედების მოწოდებით
• ონლაინ ფანდრაიზინგ კამპანიების დაგეგმვასა და განხორციელებაში მონაწილეობის მიღება
• კონტენტის ადაპტირება სხვადასხვა აუდიტორიებისთვის (დონორები, პარტნიორები, ფართო საზოგადოება)
• საზოგადოების ცნობიერების ამაღლების მხარდაჭერა ამბების, საგანმანათლებლო კონტენტის და კამპანიის გზავნილების გაზიარებით
• გუნდურ მუშაობაში მონაწილეობის მიღება პროგრამის თანამშრომლებთან სწორი ინფორმაციისა და შედეგების შესაგროვებლად
• ძირითადი ეფექტიანობის მეტრიკის (ჩართულობა, მიღწევა, კამპანიის შედეგები) მონიტორინგი და გაუმჯობესების შეთავაზება
• კომუნიკაციების მენეჯერის მხარდაჭერა საქართველოს კარიტასის ციფრულ სივრცეში წარმოჩენაში და ფანდრაიზინგის ეფექტიანობის გასაძლიერებლად
• მოწყვლადი ჯგუფების ეთიკური და ღირსეული წარმოდგენის უზრუნველყოფა
• ვიზუალური და საკომუნიკაციო სტილის ერთიანობის დაცვა
• კომუნიკაციების მენეჯერთან თანამშრომლობა კონტენტის გეგმის შესრულებაში

ზოგადი

• მენეჯერისთვის დროული ინფორმაციისა და კონსულტაციის უზრუნველყოფა შესაძლო პრობლემებთან, რისკებთან ან გაუთვალისწინებელ ცვლილებებთან დაკავშირებით.
• ახალი ინიციატივებისა და აქტივობების დაგეგმვასა და შემუშავებაში მონაწილეობა.
• პროგრამის თანამშრომელთა საერთო სამუშაო შეხვედრებში მონაწილეობა.
• პროგრამის გუნდის აქტიურ და შედეგზე ორიენტირებულ წევრად ყოფნა.

უნარები და პიროვნული  მახასიათებლები:

განათლება და გამოცდილება

აუცილებელი

• კონტენტის შექმნის მინიმუმ 2 წლიანი გამოცდილება
• ძლიერი წერითი უნარები ქართულ ენაზე
• ვიდეო მონტაჟისა და დიზაინის საბაზისო უნარები (Canva, CapCut, Adobe და სხვა)
• სოციალური მედიის ფორმატებისა და ტენდენციების ცოდნა
• სოციალური თემების საინტერესო ისტორიებად გარდაქმნის უნარი
• მგრძნობელობა ჰუმანიტარული საკითხების მიმართ

სასურველი

• Copywriter-ად მუშაობის გამოცდილება
• ძლიერი წერითი უნარები ინგლისურ ენაზე
• რუსული და იტალიური ენების ცოდნა
• სოციალურად დაუცველ ჯგუფებთან ურთიერთობის გამოცდილება
• არასამთავრობო სექტორში მუშაობის გამოცდილება
• ფოტოგრაფიის ან ვიდეოგრაფიის უნარები
• ფანდრაიზინგ კომუნიკაციის ცოდნა

პიროვნული მახასიათებლები

აუცილებელი

• ვადების მკაცრი დაცვის უნარი
• პასუხისმგებლიანი
• კრეატიული
• თვით-განვითარებაზე ორიენტირებული
• გუნდური მუშაობის ძლიერი უნარ-ჩვევები
• კეთილსინდისიერი და ლოიალური
• მოქნილი, ღია მუდმივი ცვლილებებისადმი, მზადყოფნა სწავლისადმი
• წარმატებული და მიზანდასახული ურთიერთობის დამკვიდრება და შენარჩუნება
• როლის/პოზიციის განვითარებაში ინიციატივის გამოჩენის უნარი
• სხვა ეროვნების, რელიგიების და შეხედეულების მიმართ პატივისცემა

განაცხადის შეტანა:

სათანადო კვალიფიკაციის მქონე კანდიდატებს შეუძლიათ გამოაგზავნონ CV და სამოტივაციო წერილი ელ. მისამართზე: inga.chkheidze@caritas.ge

გთხოვთ დანიშნულებაში მიუთითოთ: „კონტენტის შემქმნელის ვაკანსია“

საქართველოს კარიტასი მადლობას უხდის ყველა დაინტერესებულ პირს, თუმცა დაკავშირება მოხდება მხოლოდ შერჩეულ კანდიდატებთან განაცხადების შემოტანის პერიოდის დასრულების შემდეგ.

განაცხადის შემოტანის საბოლოო ვადა:       19.03.2026

ორგანიზაციის შესახებ:         საქართველოს კარიტასი არის კათოლიკური ეკლესიის საქველმოქმედო ფონდი, რომელიც დაარსდა 1994 წელს. „საქართველოს კარიტასის“ მისია არის  უპოვართა დახმარება, გულმოწყალების და სამართლიანობის დამკვიდრება საქართველოში.

მეტი ინფორმაციისთვის მიჰყევით ბმულს: www.caritas.ge;   https://www.facebook.com/CaritasGeorgiaOfficial/;

დიდი პატივია და პასუხისმგებლობა ჩემთვის, რომ დღეს ვდგავარ თქვენს წინაშე კარიტასის დირექტორის რანგში. მინდა გულწრფელი მადლობა გადავუხადო ყველას, ვინც ამ გზაზე ნდობა გამომიცხადა და მხარში დამიდგა.

მინდა გაგიზიაროთ, რომ კარიტასი ჩემთვის უცხო არ არის — 10 წელი ვიყავი ბორდის წევრი და ამ პერიოდში საკუთარი თვალით ვნახე, რამდენი სიკეთე კეთდება ყოველდღიურად. ეს გამოცდილება მაძლევს კიდევ უფრო დიდ მოტივაციას, რომ დირექტორის რანგში მაქსიმალურად ერთგულად ვემსახურო ჩვენს საერთო საქმეს.

კარიტასი ჩემთვის მხოლოდ ორგანიზაცია არ არის — ეს არის სიყვარული ქმედებაში, სოლიდარობა ადამიანებთან და მსახურება მათთვის, ვისაც ყველაზე მეტად სჭირდება მხარდაჭერა. ჩვენი მისია ყოველთვის იყო და იქნება ადამიანური ღირსების დაცვა, თანაგრძნობა და დახმარება ყოველგვარი განსხვავების გარეშე.

მჯერა, რომ ერთად, ერთიანი ძალებით, პროფესიონალიზმითა და გულწრფელი ზრუნვით შევძლებთ კარიტასის საქმიანობის კიდევ უფრო გაძლიერებას, ახალი ინიციატივების განხორციელებას და იმ ადამიანებისთვის იმედის მიცემას, ვინც დღეს რთულ ვითარებაშია.

მადლობა თითოეულ თქვენგანს ყოველდღიური შრომისთვის, ერთგულებისთვის და იმ სიკეთისთვის, რასაც აკეთებთ. ვიმედოვნებ, ჩვენი თანამშრომლობა იქნება ნაყოფიერი, გამჭვირვალე და ადამიანებზე ორიენტირებული.

ღმერთმა დაგვლოცოს ჩვენს საერთო საქმეში".

გიორგი მეხატიშვილი, საქართველოს კარიტასის აღმასრულებელი დირექტორი

ორგანიზაციის მიზანია ჯანდაცვისა და სოციალური მომსახურების სფეროში პროფესიული უნარების განვითარება, დარგობრივი სტანდარტების გაძლიერება და კვალიფიციური კადრების მომზადებისა და მხარდაჭერის ხელშეწყობა.

საქართველოს კარიტასი აქტიურად არის ჩართული ჯანდაცვისა და სოციალური მიმართულებით პროფესიული განათლებისა და შრომის ბაზრის საჭიროებებზე მორგებული ინიციატივების განვითარებაში. ახალი დარგობრივი უნარების ორგანიზაციის დაფუძნება წარმოადგენს კიდევ ერთ მნიშვნელოვან ნაბიჯს ამ მიმართულებით და ხელს შეუწყობს სექტორში თანამშრომლობის გაძლიერებასა და ხარისხის გაუმჯობესებას.

აღნიშნული ინიციატივა მედიის ყურადღების ცენტრშიც მოექცა — თემასთან დაკავშირებით ევრონიუსზე გავიდა მოკლე სიუჟეტი.

სამუშაო პროცესს ხელმძღვანელობდა გერმანიიდან მოწვეული საერთაშორისო ექსპერტი, კონსულტანტი ანდრეას კრიუგერი, რომლის მრავალწლიანი პროფესიული გამოცდილება ეფუძნება ევროპულ პრაქტიკასა და გერმანიის უწყვეტი პროფესიული განათლების მოდელებს.

შეხვედრაში მონაწილეობდნენ საქართველოს კარიტასის ჯანმრთელობის დაცვის პროგრამა, საქართველოს ექთანთა ასოციაცია და საქართველოს კერძო კოლეჯების ასოციაცია, მათ მიერ დაფუძნებული ჯანდაცვისა და სოციალური მომსახურების დარგობრივი უნარების ორგანიზაციის ჩარარჩოში. სამუშაო ჯგუფის შეხვედრებში მონაწილეობა მიიღო, სამხრეთ კავკასიის სოციალური სტრუქტურის პოლიტიკის მრჩეველმა ანისი ანამ. დისკუსიის ფარგლებში განიხილებოდა ექთნების უწყვეტი პროფესიული განვითარების სისტემის მოდელები, სასწავლო პროგრამების აკრედიტაციის მექანიზმები, კრედიტ-ქულებისა და სასწავლო საათების განსაზღვრის პრინციპები.

განსაკუთრებული ყურადღება დაეთმო ისეთ საკითხებს როგორიცაა:

• ექთნების უწყვეტი განათლებისა და სერტიფიცირების სისტემის სტრუქტურა;
• სასწავლო კურსებისა და პროგრამების აკრედიტაციის მოთხოვნები;
• სერტიფიცირებისთვის საჭირო კრედიტ-ქულებისა ან სასწავლო საათების გამოყენების ალტერნატიული მიდგომები;
• ექთნების სერტიფიცირებისთვის საჭირო სასწავლო პრორამების პრიორიტეტული თემატიკა.

შეხვედრის მონაწილეები შეთანხმდნენ, რომ გააგრძელებენ თანამშრომლობას, რათა ხელი შეუწყონ საქართველოში ექთნების უწყვეტი განათლებისა და სერტიფიცირების თანამედროვე, ეფექტიანი და საერთაშორისო სტანდარტებთან თავსებადი მოდელის განვითარებას.

ბატონი კრიუგერის საქართველოში ვიზიტის გდროს გაიმართა შეხვედრა საქართველოს კერძო კოლეჯების ასოციაციასთან, საქართველოს ექთანთა ასოციაციათან  და საქართველოს სავაჭრო სამრეწველო პალატის წარმომადგენლებთან.

საქართველოს კარიტასი დაარსების დღიდან ემსახურება საქართველოს უპოვარ მოსახლეობას. ის ცდილობს ისეთი ქართული საზოგადოების შექმნას, რომელიც დაიცავს თითოეული ადამიანის ღირსებას და მათ ფუნდამენტურ უფლებებს, რათა ქვეყანაში დამყარდეს მშვიდობა, სამართლიანობა, გულმოწყალეობა, სოლიდარობა და საზოგადოებრივი ინტერესი დომინირებდეს ინდივიდუალურ ინტერესებზე.

პოზიციის აღწერა

მოხალისეობის კოორდინატორი პასუხისმგებელია ისეთი აქტივობების განხორციელებასა და კოორდინაციაზე, რომლებიც გააძლიერებს თემს და ხელს შეუწყობს “საქართველოს კარიტასის” მისიისა და მიზნების შესრულებას. 

მოხალისეობის კოორდინატორი მჭიდროდ თანამშრომლობს პროგრამის ოფიცერთან და მისი ზედამხედველობის ქვეშ ახორციელებს სტრატეგიულ ინიციატივებს.

სამუშაო გრაფიკი: ნახევარი განაკვეთი 

ხელფასი - 525 ლარი (დარიცხული)

ადგილმდებარეობა - ახალციხე

ძირითადი მოვალეობები

1. სამხრეთ საქართველოში მოხალისეობრივი აქტივობების დაგეგმვა და განხორციელება, რომლებიც შეესაბამება ორგანიზაციის მიზნებს.
2. ახალი მოხალისეების შერჩევის პროცესის კოორდინაცია
3. რეგისტრირებული მოხალისეების განცხადებებისა და ხელშეკრულებების ორგანიზება. 
4. ადგილობრივი და საერთაშორისო მოხალისეების როლების განვითარებაში დახმარება და სტრატეგიების შექმნა პროექტებში მათი აქტიური ჩართულობისათვის.
5. მოხალისეებისთვის მხარდაჭერის გაწევა და პრობლემების გადაჭრაში დახმარება. 
6. მოხალისეთა ჩართულობისა და შესრულებული აქტივობების ზუსტი მონაცემების შეყვანა და მართვა შესაბამისი სისტემებით.
7. პროექტების გავლენის მონიტორინგი ადგილობრივ დონეზე და რეკომენდაციები მათი გაუმჯობესებისთვის.
8. მოხალისეებისთვის უსაფრთხო სამუშაო გარემოს უზრუნველყოფა.
9. პროგრამის ოფიცრისთვის ყოველთვიური ანგარიშების მომზადება განხორციელებული აქტივობებისა და შედეგების შესახებ.

კვალიფიკაცია

აუცილებელი

1. ახალგაზრდებთან მუშაობის მინიმუმ 2 წლიანი გამოცდილება.
2. ძლიერი ორგანიზაციული უნარები.
3. ქართული ენის სრულყოფილად ცოდნა.
   
4. ინგლისური ენის საშუალო ან უფრო მაღალ დონეზე ცოდნა.
5. გამოცდილება მონაცემთა შეგროვებასა და ანგარიშგებაში.
6. კომუნიკაბელურობა.
7. დეტალებზე ორიენტირებულობა.
8. დროის ეფექტურად მართვის უნარი.
   
   
   

დაინტერესებულმა კანდიდატებმა თავიანთი CV უნდა გამოაგზავნონ 2025 წლის 31 დეკემბრამდე შემდეგ ელექტრონულ მისამართზე: tekla.bokhua@caritas.ge

მოგეხსენებათ მოხალისეთა საქმიანობა ხშირ შემხვევაში გადამწყვეტია, ვინაიდან ემსახურება ადგილობრივი საზოგადოების გაძლიერებას, მათ პიროვნულ ზრდასა და ფიზიკური თუ მენტალური ჯანმრთელობის ხელშეწყობას, ახალი უნარების ჩამოყალიბებას და ა.შ.

ჩვენც, საქართველოს კარიტასში გადავწყვიტეთ, რომ ამ დღეს ზეიმისა და ჩვენი ძვირფასი მოხალისეების საქმიანობის აღნიშნვის გარეშე არ უნდა ჩაევლო, ამიტომაც გავმართეთ ღონისძიება, რომელსაც დაესწრნენ ჩვენი საყვარელი მოხალისეები და კოორდინატორები გორიდან, ქუთაისიდან, ახალციხიდან და თბილისიდან.

ღონისძიების ფარგლებში ერთად გადავავლეთ თვალი ჩვენს 2025 წლის მიღწევებს, განხორციელებულ პროექტებსა და სამომავლო გეგმებს. გავმართეთ პანელური დისკუსია, რომლის ფარგლებშიც რეგიონების კოორდინატორებმა განიხილეს მოხალისეობრივ საქმიანობასთან დაკავშირებული მნიშვნელოვანი თემები.

ღონისძიების მიწურულს სიმბოლურად დავაჯილდოვეთ მოხალისეთა კოორდინატორები და მოხალისეთა საბჭოს წევრები. ბოლოს კი ყველა ერთად ჩავერთეთ სამაგიდო თამაშების თამაშში, ცეკვასა და სიმღერაში.

საქართველოს კარიტასი აცხადებს ტენდერს  საქართველოში სოციალური ჯგუფებისთვის არსებული სერვისების კვლევის ჩასატარებლად კვლევის მომსახურების შესასყიდად.

საქართველოს კარიტასი არის საქველმოქმედო ფონდი, რომელიც 1994 წლიდან დღემდე აქტიურად მუშაობს ჰუმანიტარული, სოციალური, ჯანმრთელობის, საგანგებო სიტუაციებზე რეაგირების და განვითარების სფეროში, ეხმარება საქართველოს მოწყვლად მოსახლეობას და ხელს უწყობს ქვეყანაში ქველმოქმედებისა და სამართლიანობის დამკვიდრებას. დამატებითი ინფორმაციისთვის გთხოვთ, ეწვიოთ ვებგვერდებს: https://caritas.ge/

საქართველოს კარიტასი  იწვევს დაინტერესებულ, კვალიფიციურ ფიზიკურ/იურიდიულ პირებს კვლევის ჩასატარებლად - რომელიც შეეხება სოციალურად მოწყვლადი ჯგუფებისთვის საქართველოში არსებული სერვისებს.

კვლევა მიზნად ისახავს სოციალურად მოწყვლადი ჯგუფებისთვის არსებული სერვისების შესახებ ცოდნის შეგროვებას და არსებული ეკოსისტემის უკეთ და უფრო სიღრმისეულად გაგებას. აღნიშნულმა, ხელი უნდა შეუწყოს  საქართველოს კარიტასის საქმიანობის ეფექტურობის ზრდას და სოციალური მუშაობის გაუმჯობესებას.

კვლევის ფარგლებში უნდა მოხდეს სახელმწიფო, მუნიციპალური, არასამთავრობო და კერძო საქტორის ქვეშ არსებული ყველა სერვისის აღრიცხვა და მათი ერთიან რუქაზე დატანა. ამასთან, უნდა გაანალიზდეს არსებული შეზღუდვები და შემოწმდეს არსებულ სერვისებზე ხელმისაწვდომობა.

კვლევის ამოცანები:

• საქართველოში სოციალურად მოწყვლადი ჯგუფებისთვის ყველა არსებული სახელმწიფო და არასამთავრობო სერვისების ყოვლისმომცველი რუქის შემუშავება ჯანმრთელობის, სოციალური დაცვის, განათლებისა და ახალგაზრდობის განვითარების, ეკონომიკური განვითარების, დასაქმებისა და იურიდიული მომსახურების სფეროებში;

• შერჩეული სერვისების პრაქტიკაში ხელმისაწვდომობის შეფასება - რა მუშაობს, როგორ და რა გამოწვევებს ვხვდებით;

• სიღრმისეული თემატური კვლევის ჩატარება სოციალური დაცვის შერჩეულ სერვისებზე, ძირითადი გამოწვევების, საერთაშორისო საუკეთესო პრაქტიკისა და პოლიტიკის ადვოკატირების შესაძლებლობების იდენტიფიცირებით.

კვლევის სამუშაო ჩარჩო:

ნაწილი 1:

• სახელმწიფოს (ცენტრალური ხელისუფლება, 3-4 არჩეული მუნიციპალიტეტი), არასამთავრობო ორგანიზაციებისა და კერძო სექტორის მიერ მიწოდებული ყველა სერვის იდენტიფიცირება;
• შერჩეულ სერვისებზე რეალური ხელმისაწვდომობის შემოწმება.

ნაწილი 2:

• სოციალური დაცვის სისტემის ფარგლებში შერჩეულ კონკრეტულ სერვისებზე ორიენტირებული შეფასების ჩატარება;
• ხელშემწყობი ფაქტორების და გამოწვევების შემოწმება პოლიტიკასა (policy) და პრაქტიკაში;
• საუკეთესო საერთაშორისო პრაქტიკის მიმოხილვა და გაანალიზება;
• ადვოკატირებისთვის რეკომენდაციების მომზადება;

კვლევის მეთოდოლოგია უნდა მოიცავდეს შემდეგს:

• სამაგიდო კვლევა;
• სიღრმისეული ინტერვიუების ჩატარება სახელმწიფოს, მუნიციპალიტეტის, არასამთავრობო ორგანიზაციებისა და კერძო სექტორის წარმომადგენლებთან;
• დისკუსიები ფოკუს ჯგუფებთან;
• საველე კვლევა შერჩეულ მუნიციპალიტეტებში;
• საუკეთსო პრაქტიკების შედარებითი მიმოხილვა.

კვლევის ჩატარების ვადებ:

ნაწილი 1: არაუგვიანეს 1 მარტისა;

ნაწილი 2: არაუგვიანეს 1 მაისისა;

შესამუშავებელი დოკუმენტები (deliverables)

საწყის ეტაპზე (შერჩევის შემთხვევაში) : 

• კვლევის ჩარჩო;
• დეტალური მეთოდოლოგია;
• სამუშაო გეგმა;

ნაწილი 1.

• სერვისების რუქის ანგარიში - არსებული სერვისების ელექტრონული კატალოგი;
• ხელმისაწვდომობის მოკლე ანგარიში - შერჩეულ სერვისებზე, ხელმისაწვდომობის ანალიზის დოკუმენტი;

ნაწილი 2.

• კვლევის ანგარიში - დეტალური ანგარიში სადაც მიმოხილული იქნება სოციალური დაცვის არსებული სერვისების ზოგადი სურათი, არსებული პოლიტიკა და პრაქტიკა; გაანალიზებული იქნება შერჩეული სერვისების ეფექტურობა; მიმოხილული იქნება რელევანტური საერთაშორისო პრაქტიკები; მოცემული იქნება ადვოკატირებისთვის რეკომენდაციები.

დაინტერესებული მკვლევარი/მკვლევრების ჯგუფი უნდა აკმაყოფილებდნენ შემდეგ კრიტერიუმებს:

• უმაღლესი განათლება სოციალურ მეცნიერებებში, საჯარო პოლიტიკაში,  ან მომიჯნავე სფეროში;
• გამოცდილება კვლევებში;
• საქართველოს სოციალური პოლიტიკისა და კეთილდღეობის სისტემის სიღრმისეული ცოდნა;
• არასამთავრობო სექტორისა და სამთავრობო სტრუქტურების  ცოდნა;
• ანალიზის, წერისა და კომუნიკაციის ძლიერი უნარები;
• საველე სამუშაოების, ინტერვიუებისა და ფოკუს ჯგუფების ჩატარების უნარი.

წარსადგენი წინადადება უნდა მოიცავდეს შემდეგ დოკუმენტებს:

1. შევსებულ განცხადების ფორმას, კვლევის მეთოდოლოგიის, სამუშაო გეგმისა და ბიუჯეტის მითითებით (იხილეთ თანდართული ფაილი);
2. კვლევის გუნდის ხელმძღვანელისა/გუნდის წევრების რეზიუმეებს;
3. წარსულში ჩატარებული კვლევების ნიმუშების (მაქსიმუმ 3).

განაცხადების წარდგენა შესაძლებელია ელექტრონული ფორმით, შემდეგ მისამართზე: Sandro.megrelishvili@caritas.ge

შემოთავაზებების მიღების ბოლო ვადა: 10 დეკემბერი, 2025 წ.

კითხვების შემთხვევაში, გთხოვთ მოგვწერეთ შემდეგ მისამართზე: Sandro.megrelishvili@caritas.ge

Volunteers Coordinator in Kutaisi

Position Overview

Volunteers Coordinator is responsible for supporting the development, implementation and coordination of the community and volunteering activities that strengthen communities and create meaningful impact that contributes to the success of Caritas Georgia’s mission and goals. Volunteers Coordinator works collaboratively and reports to the Program officer to execute strategic initiatives.

Part-time position

Salary - 625 Gel (gross)

Location - Kutaisi

Key Responsibilities

• Assist in designing and implementation of the volunteering activities in Kutaisi Municipality that align with organizational objectives.
• Coordinate recruitment of new volunteers and ensure their retention through training, recognition, and support.
• Organize application and contract documents for registered volunteers.
• Assist in development of the local and international volunteer roles and create strategies to ensure their active engagement and impact in projects.
• Provide direct support to volunteers and address their concerns.
• Maintain accurate records of volunteer participation and performance through the various tracking systems.
• Monitor projects impact on local level and provide recommendations for continuous improvement.
• Informing the program officer about challenges and problems in the program.
• Providing a safe working environment for volunteers
• Prepare monthly reports for the Program officer about the implemented activities and outcomes.

Qualifications

Required

• 2+ years of experience in the field of youth work
• Strong organizational skills
• Fluency in Georgian
• Intermediate or higher proficiency in English
• Experience with data collection and reporting
• Excellent interpersonal and communication skills
• Detail-oriented with good time management

Preferred

• Experience working in a nonprofit setting

Interested candidates should submit their CV by November 28, 2025, to the following email address: tekla.bokhua@caritas.ge

Please indicate “Volunteers Coordinator in Kutaisi” in the subject line.